21 лютага ў ДУА "Дашкольны цэнтр развіцця дзіцяці № 1 г. Касцюковічы" прайшоў дзень, прысвечаны "Дню роднай мовы".
Паказаць прыгажосць і багацце моўнай спадчыны беларускага народа падчас розных відаў творчасці, узнавіць назвы знаёмых з’яў, аб’ектаў і прадметаў на беларускай мове, выхоўваць пачуццё любові і зацікаўленнасці да роднага слова - гэта мэта правядзення тэматычнага дня беларускай мовы.
Былі арганізаваны мерапрыемствы, прысвечаныя гэтай даце.Было прыемна назіраць, як з самай раніцы выхаванцы віталі адзін аднаго на беларускай мове, жадалі добрага дня выхавальніку.
Дзеці актыўна гулялі ў беларускія гульні, спявалі песні, расказвалі вершы на беларускай мове.
Былі гледачамі тэатралізаванага прадстаўлення "Зайкава хатка"
Праца педагагічнага калектыву накіравана на выхаванне патрыятызму ў маленькіх грамадзян, фарміраванне павагі да роднай мовы, сваёй краіны.